Manuel Rivas, un galego contra a extinción e o esquecimento

Participando nas conversas literarias  do Festival Mot, organizado en parceria polos concellos de Girona e de Olot, o xornalista, escritor e académico galego Manuel Rivas (A Coruña, 1957)  conversará  co libreiro Guillem Terribas (Salt, 1951), autor de Demà serà un altre dia: aventures d’un llibreter (2007), contra a extinción e contra o esquecimento.

Porén, nun festival literario que acuña o seu nome na palabra (mot), é cousa de pasmo que a organización do festival literario debruce de xeito tan preguiceiro na obra do escritor da Coruña, porque no seu web e no programa de mán dá conta dos libros de Rivas na súa versión española e non na orixinal en galego malia estar traducido a moitos idiomas. Certo é que  advirten encerrando a reseña de apresentación que a  súa obra literaria está escrita orixinalmente en galego. Mesmo sendo O’Rivas  un dos autores galegos que gorenta de máis proxección, mas tratándose de convocarnos a leitores e memoriados contra  as  puídas e indixentes formas de transmisión cultural que informan o campo literario español, tan invisibilizador ele das literaturas que xulga estranas e impròprias, prestábanos  ben que a orde fose do aveso, dando conta dos títulos na súa versión orixinal primeiro, deixando para o final que quen quiser lelo ten 27 idiomas onde escoller.

 

 

Cando? Quinta-feira, 30 de marzo de 2017, 18 h

Onde? Biblioteca Carles Rahola

Deixa un comentari

L'adreça electrònica no es publicarà. Els camps necessaris estan marcats amb *